Rússneskur skipstjóri flutningaskipsins Longdawn var bæði fullur og dópaður þegar skipið klessti á strandveiðibátinn Höddu um miðjan maí mánuð. Bæði skipstjórinn og stýrimaðurinn hafa játað sök í málinu.
Morgunblaðið greinir frá því að málið hafi verið þingfest í Héraðsdómi Reykjaness fyrir skemmstu.
Stýrimaðurinn, Alexander Vasilyev, sá áreksturinn við bátinn og lét skipstjórann, Eduard Dektyarev, vita en skipstjórinn sagði honum að halda áfram för sinni. Báðir hafa verið ákærðir fyrir hættubrot og brot gegn lífi og líkama og siglingalögum.
Maðurinn sem var um borð í Höddu sendi út neyðarkall eftir áreksturinn, þann 16.maí, eftir að gat kom á bátinn og hann sökk. Var manninum bjargað af öðrum strandveiðibáti.
Eru Vasilyev og Dektyarev sakaðir um að hafa stofnað lífi mannsins í hættu á ófyrirleitan hátt. Hafi Dektyarev verið undir áhrifum áfengis og fíkniefna þegar hann gaf skipunina.
