Á þriðja tug oddvita Sjálfstæðisflokksins í sveitarfélögum sínum gagnrýna Heiðu Björg Hilmisdóttur, formann Sambands íslenskra sveitarfélaga, harðlega í aðsendri grein sem birtist í Morgunblaðinu í dag.

Snýr gagnrýnin að aðkomu Heiðu Bjargar að gerð kjarasamninga og þá einkum þeim lið er snýr að gjaldfrjálsum máltíðum í grunnskólum landsins.

Í grein sinni segjast oddvitarnir fagna gerð langtíma kjarasamninga og ekki sé annað hægt en að styðja markmið um minni verðbólgu, lægri vexti og aukinn stöðugleika.

Kom flestum í opna skjöldu

Benda þeir á að eftir gerð kjarasamnings hafi umfjöllun fjölmiðla að mestu snúist um gjaldfrjálsar skóla­máltíðir sem komu óvænt í fang aðþrengdra sveit­ar­fé­laga. Meginkrafan á sveitarfélög hafi snúið að hóflegum gjaldskrárhækkunum sem öll sveitarfélög hugðust bregðast við.

„Það má ræða hug­mynd­ina um gjald­frjáls­ar skóla­máltíðir og hvernig eigi að fjár­magna þær. Sam­band ís­lenskra sveit­ar­fé­laga er vett­vang­ur til þess. Fyr­ir rétt rúm­um tveim­ur vik­um, eða 26. fe­brú­ar, kynnti formaður Sam­bands­ins fyrst hug­mynd­ir um gjald­frjáls­ar skóla­máltíðir á fundi tæp­lega 50 sveit­ar­stjóra, bæj­ar­stjóra og borg­ar­stjóra. Kom það flest­um á fund­in­um í opna skjöldu að sveit­ar­fé­lög­in væru skyndi­lega orðin lyk­il­breyta í kjaraviðræðum á al­menn­um vinnu­markaði og með þess­um hætti,“ segir í greininni.

Tekið er fram að afstaða full­trúa sveit­ar­fé­laga á þeim fundi hafi verið mjög skýr; andstaðan var nán­ast ein­róma og ein­skorðaðist ekki bara við Sjálf­stæðis­flokk­inn.

„Enda lá fyr­ir að hér væri ráðskast með sjálfs­ákvörðun­ar­rétt sveit­ar­fé­laga er snýr að mik­il­vægri þjón­ustu, eins og skóla­máltíðum.“

Brúnin þyngdist enn meira

Í greininni kemur fram að brún sveit­ar­stjórn­ar­manna hafi þyngst enn þegar í ljós kom að viðræður for­manns­ins við rík­is­valdið hóf­ust í upp­hafi árs og var fram­haldið í lok janú­ar eða mánuði áður en sveit­ar­stjórn­ar­fólki var kynnt þessi hug­mynd.

„Þann 1. mars, var ann­ar fund­ur með borg­ar­stjóra, bæj­ar­stjór­um og sveit­ar­stjór­um og enn var mik­il mótstaða meðal flestra sem tóku til máls. Stjórn sam­bands­ins fundaði í kjöl­farið og samþykkti bókun þar sem fram kom að stjórn sambandsins óski eftir því að ríkisvaldið leiti annarra leiða við að útfæra markmið um gjaldfrjálsar skólamáltíðir en beint í gegnum gjaldskrár sveitarfélaga.

„Því var treyst að formaður myndi starfa sam­kvæmt ein­dregn­um vilja sveita­stjórna og bók­un stjórn­ar og myndi upp­lýsa aðila vinnu­markaðar­ins og for­sæt­is­ráðherra um af­stöðuna með skýr­um hætti. Ljóst er að svo var ekki.“

Í greininni segja oddvitarnir að formaður hafi síðan látið hafa eftir sér í fjölmiðlum að full sátt væri um þessa fram­kvæmd. Það sé hins vegar rangt.

„Í dag hitt­ast sveit­ar­stjórn­ar­full­trú­ar af öllu land­inu á ársþingi Sam­bands­ins og þar er afar mik­il­vægt að formaður­inn skýri aðkomu sína að kjara­samn­ings­gerð á al­menn­um markaði.“

Undir greinina skrifa eftirfarandi oddvitar:

Alm­ar Guðmunds­son, Garðabæ
Ant­on Kári Hall­dórs­son,
Rangárþingi eystra
Ásdís Kristjáns­dótt­ir, Kópa­vogi
Ásgeir Sveins­son, Mos­fells­bæ
Berg­lind Harpa Svavars­dótt­ir, Múlaþingi
Björn Har­ald­ur Hilm­ars­son, Snæ­fells­bæ
Björn Guðmund­ur Sæ­björns­son, Vog­um
Bragi Bjarna­son, Árborg
Ein­ar Jón Páls­son, Suður­nesja­bæ
Eyþór Harðar­son, Vest­manna­eyj­um
Friðrik Sig­ur­björns­son, Hvera­gerði
Gauti Árna­son, Höfn í Hornafirði
Gísli Sig­urðsson, Skagaf­irði
Gest­ur Þór Kristjáns­son, Ölfusi
Guðmund­ur Hauk­ur Jak­obs­son, Húna­byggð
Hafrún Ol­geirs­dótt­ir, Norðurþingi
Heim­ir Örn Árna­son, Ak­ur­eyri
Hild­ur Björns­dótt­ir, Reykja­vík
Ingvar Pét­ur Guðbjörns­son, Rangárþingi ytra
Jó­hann Birk­ir Helga­son, Ísa­fjarðarbæ
Jón Bjarna­son, Hruna­manna­hreppi
Mar­grét Ólöf A Sand­ers, Reykja­nes­bæ
Ragn­ar Sig­urðsson, Fjarðabyggð
Rósa Guðbjarts­dótt­ir, Hafnar­f­irði
Sveinn Hreiðar Jens­son, Skaft­ár­hreppi
Þór Sig­ur­geirs­son, Seltjarn­ar­nesi