Fjölmargir landsmenn hafa fengið símhringingar úr erlendum númerum síðustu daga. Eiga hringingarnar það sameiginlegt að standa yfir í stuttan tíma áður en skellt er á. Oftar en ekki virðast þessar hringingar koma frá Srí Lanka eða Lúxemborg.

Hrafnkell V. Gíslason, forstjóri Fjarskiptastofu, segir í samtali við Morgunblaðið í dag að um einhvers konar skyndisókn sé að ræða í íslensk númer. Markmiðið sé að fá viðtakendur símtalanna til að hringja til baka en við það skapast hugsanleg skylda á viðkomandi að greiða háa upphæð fyrir símtalið.

Sjá einnig: Ef þú færð hringingu úr þessu númeri skaltu ekki svara – Getur reynst dýrkeypt

Segir Hrafnkell við Morgunblaðið að svikahrapparnir búi til fjarskiptaþjónustu sem getur innheimt greiðsluskylduna þegar hringt er til baka.

„Þá er þetta bara inn­heimt í gegn­um síma­reikn­ing­inn þinn, sem kem­ur þér vænt­an­lega á óvart og verður nokkuð hátt. Ef nokk­ur þúsund manns eða nokk­ur hundruð falla í þessa gryfju hef­ur sá sem svik­in stundaði fengið eitt­hvað fyr­ir sinn snúð,“ segir Hrafnkell.