Þetta kemur fram í færslu úkraínska varnarmálaráðuneytisins á Telegram. Segir að rúmlega 60.000 konur komi nú að vörnum landsins á einn eða annan hátt. Rúmlega 42.000 þeirra eru sagðar hafa skráð sig að eigin frumkvæði í herinn.
„Þessi tala fer síhækkandi því vegna innrásar Rússa hefur mikill fjöldi úkraínskra kvenna gengið til liðs við her landsins,“ segir í færslunni.
Aukningin á einnig rætur að rekja til „töluverðra breytinga“ á löggjöf landsins en þær gera að verkum að nú mega konur ganga í herinn og berjast.
„Þær verjast jafn vel og karlar, berjast, taka áhættu og fórna – því miður – lífi sínu fyrir það,“ segir í færslunni.
„Þær eru fyrirmynd hugrekkis og staðfestu fyrir allan heiminn!“
Ekki er vitað hversu margar konur berjast í fremstu víglínu en um miðjan maí sagði Yveheniia Kravchuk, þingkona, í samtali við CNN að um 5.000 konur væru í úkraínskum bardagasveitum.
