Sérfræðingar telja að þessar hertu árásir megi rekja til þess að Rússar eiga von á að Úkraínumenn hefji gagnsókn fljótlega í austurhluta landsins. Telja þeir að Rússar séu með þessu að reyna að valda miklu álagi á úkraínskar loftvarnarsveitir og ganga á birgðir þeirra.
Ef það tekst, þá verður rússneski flugherinn í betri stöðu til aðgerða þegar fyrirhuguð sókn Úkraínumanna hefst.
Serhij Popko, yfirmaður herstjórnarinnar í Kyiv, segir að þessi taktík Rússa sé tilraun þeirra til að valda miklu álagi á úkraínsku loftvarnarkerfin og til að leggja sálfræðilegan þrýsting á almenna borgarar. Það mun þeim ekki takast skrifaði hann á Telegram.
Eins og fyrr sagði hefur Úkraínumönnum gengið vel að verjast þessum árásum og tjón af þeirra völdum er ekki mikið. Hafa vestræn loftvarnarkerfi reynst vel og náð að skjóta flest flugskeytin og drónana niður.
