Í kjölfar innrásarinnar gripu Bandaríkin, Evrópusambandið og Bretland til refsiaðgerða gagnvart Rússlandi og þær hafa reynst rússneskum auðmönnum dýrar.
Þeir 23 rússnesku milljarðamæringar, sem voru á topp 500 yfir ríkasta fólk heims, hafa tapað 67 milljörðum dollara á þessu rúma ári.
Bloomberg skýrir frá þessu og segir að sá sem hefur tapað mestu sé Alezey Mordashov, sem er stærsti hluthafinn og stjórnarformaður Severstal, sem er stærsti stálframleiðandi landsins og stærsta námuvinnslufyrirtækið. Hann hefur tapað 6,7 milljörðum dollara. Hann er þó ekki á vonarvöl staddur því eignir hans eru metnar á um 140 milljarða dollara.
Næstur í röðinni yfir þá sem hafa tapað mestu er Vladimir Lisin, sem er stjórnarformaður Novolipteskt stálfyrirtækisins. Hann hefur tapað 5,8 milljörðum dollara. En eins og Mordashov þá er hann ekki á flæðiskeri staddur því eignir hans eru metnar á 144 milljarða dollara.
En það hafa ekki allir rússneskir auðmenn tapað peningum eftir að stríðið hófst. Til dæmis hefur Andrey Gurvey bætt um tveimur milljörðum dollara við eignir sínar en hann er aðaleigandi PhosAgro sem selur áburð.
