Tæplega þrítugur karlmaður var síðdegis dag í Héraðsdómi Reykjavíkur úrskurðaður í gæsluvarðhald til föstudagsins 17. mars kl.16.00 á grundvelli rannsóknarhagsmuna að kröfu Lögreglunnar á höfuðborgarsvæðinu í þágu rannsóknar hennar á skotárás á Dubliner.
Lögreglan tjáir sig ekki meira um málið að svo stöddu.
Hleypt af byssuskoti á Dubliner – Sérsveitin að störfum á vettvangi
Maðurinn hleypti skoti af inni á The Dubliner við Naustin 1 laust fyrir kl. 19 á sunnudagskvöld. Sérsveit ríkislögreglustjóra var með mikinn viðbúnað við skemmtistaðinn og var mannsins leitað og hann hvattur til að gefa sig fram. Maðurinn var handtekinn mánudagskvöld, og hefur sem fyrr segir verið úrskurðaður í gæsluvarðhald til 17. mars.
