fbpx
Fimmtudagur 08.maí 2025
Fréttir

Illa þefjandi Porsche reynist Bílabúð Benna dýrkeyptur

Ágúst Borgþór Sverrisson
Fimmtudaginn 24. ágúst 2023 18:30

Ekki missa af Helstu tíðindum dagsins í pósthólfið þitt

Lesa nánar

Þann 25. júlí síðastliðinn vann Ólöf Finnsdóttir, fyrrverandi framkvæmdastjóri Dómstólasýslunnar, mál gegn Bílabúð Benna, fyrir Héraðsdómi Reykjavíkur. Gekk dómstóllinn að fullu að kröfum Ólafar sem snúast um endurgreiðslu á tryggingaiðgjöldum, bifreiðagjöldum og öðrum lögbundnum gjöldum af bílnum sem hún þurfti að standa straum af eftir að kaupum á bílnum hafði verið rift. Bíllinn sem um ræðir er forláta Porsche Cayenne að verðmæti 14 milljónir króna.

Ólöf hafði þegar lagt bílabúðina í máli þar sem krafist var riftunar á kaupunum, bæði fyrir héraðsdómi og Landsrétti, auk þess sem Hæstiréttur hafnaði beiðni bílabúðarinnar um að taka málið fyrir. Málið snerist um einkennnilegan galla sem olli þrálátri ólykt í bílnum.

Sjá einnig: Illa þefjandi Porsche í eigu fyrrverandi framkvæmdastjóra dómstólasýslunnar – Ólöf Finnsdóttir stefndi Bílabúð Benna sem áfrýjaði

Ólyktin gaus upp í bílnum vegna mikillar vatnssöfnunar og tókst bílabúðinni ekki að ráða bót á þessu vandamáli. Sagði í dómi héraðsdóms að bílabúðin hefði fengið fjögur tækifæri til að bæta úr gallanum en það ekki verið gert. Bílabúðin taldi gallann vera óverulegan og samþykkti ekki að rifta kaupunum. Þess vegna fór málið fyrir dóm. Bílabúðin undi síðan ekki niðurstöðu héraðsdóms og áfrýjaði til Landsréttar, sem staðfesti niðurstöðu Héraðsdóms.

Ólöf fullkomnaði síðan sigur sinn yfir bílabúðinni er Héraðsdómur Reykjavíkur dæmdi bílabúðina til endurgreiða Ólöfu 691.000 krónur sem hún hafði lagt út fyrir í lögbundin gjöld af bílnum eftir að kaupunum hafði verið rift.

Dóminn má lesa hér.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Fréttir
Fyrir 17 klukkutímum

Fundu skaðleg efni í pólsku skyri sem auglýst er sem íslenskt – Sveppaeitur og klórat

Fundu skaðleg efni í pólsku skyri sem auglýst er sem íslenskt – Sveppaeitur og klórat
Fréttir
Fyrir 18 klukkutímum

Umdeilt 200 milljóna króna listaverk á að rísa í Vestmannaeyjum

Umdeilt 200 milljóna króna listaverk á að rísa í Vestmannaeyjum
Fréttir
Í gær

Grunur um fyrstu banvænu bjarndýrsárásina í Flórída – 89 ára gamall maður fannst látinn ásamt hundi sínum

Grunur um fyrstu banvænu bjarndýrsárásina í Flórída – 89 ára gamall maður fannst látinn ásamt hundi sínum
Fréttir
Í gær

Landsréttur fellir úr gildi gæsluvarðhald yfir Sigurði Almari

Landsréttur fellir úr gildi gæsluvarðhald yfir Sigurði Almari