Maðurinn sem lést í vinnuslysi á sveitabýli í Ásahreppi í Rangárvallasýslu á föstudag hét Guðjón Björnsson. Hann var fæddur árið 1983 og lætur eftir sig eiginkonu og þrjú börn.
Guðjón var bóndi og rak kúabú ásamt konu sinni á Syðri-Hömrum 3 í Ásahreppi. Bænastund var haldin í Kálfholtskirkju í gær, djúp sorg hvílir yfir samfélaginu vegna fráfalls Guðjóns.
Rannsóknardeild lögreglunnar á Suðurlandi fer með rannsókn um tildrög slyssins en lögregla verst allra frekari frétta af málinu að svo stöddu.
