Lögreglan hefur sent frá sér yfirlýsingu vegna alvarlegrar hnífstunguárásar í Mosfellsbæ í gærkvöld. Lögregla lét loka nærliggjandi götum að vettvangnum til að sjúkrabíll kæmist með árásarþolann á bráðadeild.

Í tilkynningunni segir:

„Rannsókn Lögreglunnar á höfuðborgarsvæðinu á hnífsstungu í íbúð í fjölbýlishúsi í Mosfellsbæ í gærkvöld miðar vel. Tilkynning um málið barst á tíunda tímanum, en þegar lögreglan kom á vettvang voru tveir menn um tvítugt í íbúðinni. Annar hafði orðið fyrir hnífsstungu og var viðkomandi strax fluttur á slysadeild. Líðan hans er eftir atvikum, en maðurinn er ekki í lífshættu. Hinn maðurinn var handtekinn og færður á lögreglustöð. Hann er nú laus úr haldi þar sem rannsóknarhagsmunir eru ekki lengur taldir vera fyrir hendi.

 Ekki er hægt að veita frekari upplýsingar um málið.“

Eins og kemur fram í yfirlýsingunni er árásarþolinn ekki lengur í lífshættu.