Daily Mail segir að á myndum sjáist logandi flugvél hrapa til jarðar í Alchevsk í Luhansk. Myndirnar birtust fyrst á sunnudaginn þegar þær voru birtar á Telegram af aðila sem er hliðhollur Rússum. Þá fylgdi sögunni að „herir bandamanna“ hefðu skotið flugvélina niður og var þess þá hvergi getið að um rússneska flugvél væri að ræða.
En daginn eftir birtust fleiri myndir af flakinu og sást þá vél að hún var merkt rússneska flughernum.
Daily Mail segir að svo virðist sem rússneskir hermenn hafi skotið vélina niður en um SU-34 orustuþotu er að ræða. Slík vél kostar um 40 milljónir dollara. Vélin var skotin niður skömmu eftir að Sergei Shoigu, varnarmálaráðherra Rússlands, skipaði loftvarnarsveitum að hafa það sem forgangsverkefni að skjóta niður HIMARS-flugskeyti. HIMARS er bandarískt flugskeytakerfi sem Úkraínumenn hafa yfir að ráða. Það er mjög langdrægt og hefur valdið Rússum miklu tjóni síðustu vikur. Hafa Úkraínumenn notaði kerfið, þeir eiga nokkur slík, til að ráðast á birgðastöðvar, vopnageymslur og stjórnstöðvar rússneska hersins langt bak við víglínuna.
Daily Mail segir að Michael Weiss, þekktum stríðsfréttaritara, að Rússar hafi skotið eigin vél niður þegar þeir ætluðu að skjóta HIMARS-flugskeyti niður.
