fbpx
Miðvikudagur 22.júní 2022
Fréttir

Gluggasmiðjan sökuð um misferli – „Pantaði hjá þeim vörur í nóvember sem hafa ekki skilað sér. Þeir halda áfram að taka við pöntunum“

Ágúst Borgþór Sverrisson
Miðvikudaginn 22. júní 2022 18:00

Ekki missa af Helstu tíðindum dagsins í pósthólfið þitt

Lesa nánar

Gluggasmiðjan, byggingavörufyrirtæki í Hafnarfirði, er sökuð um misferli. Arnar Jónsson, byggingaverktaki í Þorlákshöfn, segir að vörur sem hann pantaði hjá fyrirtækinu í nóvember hafi enn ekki skilað sér. Þurfti hann að greiða hátt staðfestingargjald fyrir vörurnar er hann pantaði, um hálfa milljón króna. Arnar segist þó hafa orðið fyrir meiri skaða en sem nemur þessari upphæð, skortur Gluggasmiðjunnar á hreinskilni í málinu hafi valdið honum verulegum búsifjum:

„Pantaði hjá þeim vörur í nóvember sem hafa ekki skilað sér. Þeir halda áfram að taka við pöntunum. Þetta voru gluggar sem áttu að fara í leigubúð en ég hef ekki getað leigt íbúðina út. Ef þeir hefðu bara verið hreinskilnir og sagt mér að þeir væru í vandræðum þá hefði ég leitað annað með smíðina,“ segir Arnar sem telur Gluggasmiðjuna hafa dregið sig á asnaeyrunum í langan tíma.

Arnar hefur hvað eftir annað reynt að ná sambandi við framkvæmdastjóra fyrirtækisins, Krysztof Hilla, og sölustjórann Hafsteinn Hilmarsson, til að leita skýringa, en án árangurs. Þeir hafi aldrei samband þrátt fyrir margítrekuð skilaboð.

Arnar telur að fyrirtækið sé að fara á hausinn en sé á sama tíma að safna inn greiðslum fyrir pöntunum sem aldrei verði afgreiddar:

„Ég prófaði í morgun að hringja og þykjast vera annar en ég er. Þá fékk ég staðfest að þeir halda áfram að harka inn fyrir pöntunum. Þetta er óheiðarlegur leikur því ég tel víst að þeir séu á leiðinni í greiðslustöðvun,“ segir Arnar, ómyrkur í máli.

„Það þarf að vara fólk við fyrirtækum sem leika þennan leik,“ segir hann ennfremur. Hann segir ljóst að Gluggasmiðjan ætli hvorki að afhenda honum vörurnar sem hann hefur pantað né endurgreiða honum staðfestingargjaldið.

DV reyndi árangurslaust og margítrekað að ná símabandi við forsvarsmenn fyrirtækisns í dag, framkvæmdastjórann Krysztof Hilla og sölustjórann Hafsteinn Hilmarsson, til að bera undir þá þessar ásakanir. Einnig var sendur tölvupóstur á þá báða en honum hefur ekki verið svarað.

 

 

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Fréttir
Fyrir 20 klukkutímum

Lilja er ein tvö hundruð farþega sem hafa beðið í hálfan annan sólahring eftir farangri – ,,Sumir með mikilvæg lyf í töskunum“

Lilja er ein tvö hundruð farþega sem hafa beðið í hálfan annan sólahring eftir farangri – ,,Sumir með mikilvæg lyf í töskunum“
Fréttir
Fyrir 21 klukkutímum

Meintur nauðgari fyrir dóm þremur og hálfu ári eftir brotið

Meintur nauðgari fyrir dóm þremur og hálfu ári eftir brotið
Fréttir
Í gær

Maðurinn sem gat ekki hætt að stela bensíni frá N1

Maðurinn sem gat ekki hætt að stela bensíni frá N1
Fréttir
Í gær

Grunaður morðingi í Barðavogi áður dæmdur fyrir ofbeldi gegn barni

Grunaður morðingi í Barðavogi áður dæmdur fyrir ofbeldi gegn barni
Fréttir
Í gær

Útilokar ekki dauðadóm yfir bandarískum hermönnum

Útilokar ekki dauðadóm yfir bandarískum hermönnum
Fréttir
Í gær

Litháar loka fyrir vöruflutninga til Kalíningrad – Rússar hóta hefndum

Litháar loka fyrir vöruflutninga til Kalíningrad – Rússar hóta hefndum