Lögreglan á höfuðborgarsvæðinu handtók átta ökumenn í gærkvöldi og nótt en þeir eru grunaðir um að hafa verið undir áhrifum áfengis og/eða fíkniefna. Einn tengdist sölu fíkniefna og annar var án ökuréttinda og með hníf meðferðis.
Í austurborginni missti bifhjólamaður stjórn á hjóli sínu. Hann var fluttur á bráðamóttöku Landspítalans. Lögreglan rannsakar nú ýmis umferðarlagabrot sem eru talin tengjast slysinu.