Maður á þrítugsaldri lést í umferðarslysi á níunda tímanum í gærkvöldi er rafhlaupahjól og hópferðabifreið lentu saman á horni Barónsstíg og Grettisgötu. Maðurinn sem lést var á rafhlaupahjólinu samkvæmt tilkynningu frá lögreglu. Farþegum hópferðabifreiðarinnar var boðið upp á áfallahjálp hjá Rauða krossinum.
Lögregla getur ekki veitt frekari upplýsingar að svo stöddu en tildrög slyssins eru í rannsókn ásamt Rannsóknarnefnd samgönguslysa.
