Sex eru látnir og að minnsta kosti 53 eru slasaðir eftir sprengingu á Istiklal-stræti, vinsælli verslunargötu í Istanbúl. Óttast er að tala látinna muni fjölga eftir því sem á líður kvöldið. Erdogan Tyrklandsforseti segir að ýmislegt bendi til þess að um hryðjuverkaárás hafi verið að ræða.

Breski miðillinn The Guardian birti óhugnalegt myndband þar sem sjá má sprenginguna og þá geðshræringu sem skapaðist í kjölfarið.

Sprengingin átti sér stað kl.16.20 á tyrkneskum tíma en þá iðaði verslunargatan af lífi. Fjórir einstaklingar létust samstundis en tveir í viðbót svo á spítala nokkru síðar. Eins og áður segir eru margir slasaðir og því er búist við að tala látinna gæti hækkað eftir því sem á líður kvöldið.

Í sjónvarpsávarpi til tyrknesku þjóðarinnar sagði Tayyib Erdogan, forseti landsins, að ekki væri hægt að fullyrða að um hryðjuverkaárás væri að ræða en ýmislegt benti þó til þess. Hann hét því að þeir sem bæru ábyrgð á ódæðinu yrðu látnir svara til saka.