Vítalía Lazareva segir í samtali við Fréttablaðið að fréttir um að hún og einkaþjálfarinn Arnar Grant hafi flutt inn saman séu ekki réttar.
„Ég er ekki flutt inn með þessum manni,“ segir Vítalía í viðtalinu við Fréttablaðið.
Fyrr í dag birti Vítalía mynd á Instagram-síðu sinni þar sem hún skrifaði: „Taka pokana og hypja sig út. Lygarnar halda áfram.“
Í grein Fréttablaðsins segir að það virtist vera sem Vítalíu hafi verið nokkuð niðri fyrir þegar blaðamaður ræddi við hana um málið. Þá sagði Vítalía að hún gæti ekki verið nálægt Arnari.
