Orð dómsmálaráðherra í hádegisfréttum RUV í dag hafa vakið mikla athygli en þar sagði hann nauðsynlegt að vera með lokaðar búðir fyrir hælisleitendur sem koma til landsins en er synjað um hæli.
„Þá fer fólk á dvalarstað á ákveðnum stað, þar er takmarkað aðgengi, takmarkað ferðafrelsi, á meðan að fólk er að bíða frávísunar og brottvísunar úr landi,“ sagði Jón Gunnarsson, dómsmálaráðherra, við RUV í dag.
Þá hugnist honum vel að koma á fót móttökubúðum fyrir flóttafólk sem hann segir að sé allt annað en flóttamannabúðir.
Skáldið Sjón er einn þeirra sem hefur lagt orð í belg en á Twitter deildi hann umræddri frétt og skrifaði. „Þetta heitir einangrunarbúðir á íslensku.“ Hann merkir síðan Katrínu Jakobsdóttur, forsætisráðherra, í færslunni og segir að hægri öfgahyggjan sem hún hafi áhyggjur af lifi „nú þegar góðu lífi í ríkisstjórninni sem hún fer sjálf fyrir.“
Þetta heitir einangrunarbúðir á íslensku. Hægri öfgahyggjan er ekki á leiðinni til Íslands frá útlöndum eins og @katrinjak segist hafa áhyggjur af, hún lifir nú þegar góðu lífi í ríkisstjórninni sem hún sjálf fer fyrir.https://t.co/ddZvYUveHf
— Sjón 🇺🇦🏳️⚧️🏳️🌈 (@Sjonorama) October 14, 2022
Ritstjórinn Valur Grettison deilir skjáskoti úr frétt RUV á Twitter og býr til ímyndað samtal Jóns Gunnarssonar og almennings þar sem skilningur almennings á móttökubúðum með skertu ferðafrelsi sé einfaldlega fangelsi.
Allir: Ertu að tala um flóttamannabúðir?
Jón Gunnars: Neineinei, þetta eru móttökubúðir með skertu ferðafrelsi.
Allir: Er það ekki fangelsi?
Jón Gunnars: Nei, sko… pic.twitter.com/ZJDgDO5bDY— Valur Grettisson (@valurgr) October 14, 2022
Þórunn Ólafsdóttir, sem um árabil hefur aðstoðað flóttafólk, kallaði Vinstri græn til ábyrgðar fyrir að hafa hleypt „hægri-öfgamanni í dómsmálaráðuneytið“.
Mikil er ábyrgð ykkar @Vinstrigraen að hleypa hægri-öfgamanni í dómsmálaráðuneytið. Ég óttast að samfélagið okkar verði aldrei samt eftir þessa 18 mánuði.
Þið getið enn slitið þessu kjaftæði.— Þórunn Ólafsdóttir (@Thorunnolafsd) October 14, 2022
Það var síðan í liðinni viku sem Sjón deildi viðtali við Katrínu af Fréttavakt Hringbrautar þar sem hún segir ekki hægt að útiloka að fasísk öfl berist hingað til lands. Sjón segist þarna vera sammála Katrínu og kemur með rökstuðning sinn fyrir því: „Vinstri pópúlismi, eins og sá sem Katrín Jakobsdóttir hefur gert að sérgrein sinni, ásamt þjónkun við nýfrjálshyggju XD, býr í haginn fyrir hin fasísku öfl.“
Vinstri pópúlismi, eins og sá sem Katrín Jakobsdóttir hefur gert að sérgrein sinni, ásamt þjónkun við nýfrjálshyggju XD, býr í haginn fyrir hin fasísku öfl. Svo, jú, ætli ég sé ekki sammála henni um þetta. https://t.co/bKqPPQlaNy
— Sjón 🇺🇦🏳️⚧️🏳️🌈 (@Sjonorama) October 5, 2022
Bryndís Haraldsdóttir, formaður allsherjar- og menntamálanefndar Alþingis, kallaði eftir því í viðtali við RUV í gær að flóttafólk „fái að dvelja saman á ákveðnu svæði fyrstu vikur þeirra eða mánuði á Íslandi þar sem það fái einnig að stunda nám og vinnu“ en hún vildi ekki tala um slíkt svæði sem flóttamannabúðir þó einhverjir kunni að gera það.
„Sumir kynnu að kalla þetta flóttamannabúðir,“ sagði hún en þetta væri hins vegar „búsetuúrræði.“
Sema Erla Serdar, stofnandi Solaris – hjálparsamtaka fyrir hælisleitendur og flóttafólk á Íslandi, deildi þeirri frétt og sagði að umræðan um málefni flóttafólks sé orðin úldin: „Þessi hugmynd er td ekkert annað en aðskilnaðastefna sem vitað er að skilar neikvæðum árangri.“
Mikið roslega er umræðan um málefni flóttafólks orðin úldin. Endalaust af fólki í valdastöðum sem er ekki í neinum tengslum við rauveruleikann að stíga fram með áróður. Þessi hugmynd er td ekkert annað en aðskilnaðastefna sem vitað er að skilar neikvæðum árangri. Gerið ** betur! pic.twitter.com/Nohyy2p9od
— Sema Erla (@semaerla) October 13, 2022
Í dag deildi sjónvarpsmaðurinn Gísli Marteinn Baldursson færslu Þórunnar Ólafsdóttur síðan í gær þar sem hún leiðréttir rangfærslur dómsmálaráðherra og sýnir máli sínu til stuðnings tölur frá ríkislögreglustjóra um fjölda flóttafólks með fölsuð skilríki.
Við þetta skrifaði Gísli Marteinn að Jón Gunnarsson og Sigmundur Davíð Gunnlaugsson, formaður Miðflokksins, séu með sömu stefnu í innflytjendamálum, og vekur athygli á rangfærslum dómsmálaráðherra.
Jón Gunnars og SDG eru með sömu stefnu í innflytjendamálum. Báðir segja stundum að við séum með sömu stefnu og Norðurlönd en stundum að við þurfum að breyta til að vera einsog þau. Svo segir Jón alvarlega hluti sem standast ekki skoðun. En XD virðast mjög sátt. Og ekki síður VG. https://t.co/StheXl96ER
— Gísli Marteinn (@gislimarteinn) October 12, 2022
