Jakob Bjarnar, blaðamaður Vísis, hefur vakið töluverða reiði meðal aktivista gegn kynferðisofbeldi eftir viðtal sitt á Bylgjunn í morgun, þar sem hann gagnrýndi viðtal Eddu Falak við Vítalíu Lazarevu, þar sem sú síðarnefnda sakaði fimm nafntogaða karlmenn um kynferðisofbeldi gegn sér.

Sjá einnig: Jakob gagnrýnir viðtal Eddu Falak við Vítalíu – „Það verður ekki komist framhjá því að þetta er dómstóll götunnar“

Jakob sagði að Vítalía hefði verið mjög trúverðug í ásökunum sínum en engu að síður vantaði margt í viðtalið og viðbrögðin við því einkenndust af þórðargleði sem honum mislíki.  „Það er alveg sama hvernig við snúum þessu, það verður ekki komist framhjá því að þetta er dómstóll götunnar, eða er þetta eitthvað annað?“ sagði Jakob.

Ummælin hafa vakið hörð viðbrögð á Twitter og Edda Falak hefur birt þar nokkur tíst í dag sem viðbragði við frétt DV af viðtalinu við Jakob. Edda segir, meðal annars:

„Jakob Bjarnar og Helgi Áss, what a concept. Djöfulsins forréttindablinda og aumingjaskapur að lýsa frekari áhyggjum af einhverjum „dómstól götunnar“ en þeirri staðreynd að hún var seld og misnotuð.“

Tanja Ísfjörð, talskona Öfga, gagnrýnir Jakob einnig, en hann fór hörðum orðum um gagnrýni hennar á það að sóttvarnahótelin hafi fest kaup á hreinsiefninu T-Mist, en fyrirtækið sem selur það er meðal annars í eigu Ingólfs Þórarinssonar, Ingós Veðurguðs. Tanja skrifar:

Ahhh

@JakobBjarnar

hendir einmitt í eitt „Vítalía talar ekki við fjölmiðla bara

@eddafalak

vinkonu sína”. Poves my point. En sigurinn er augljós og já Jakob, það hefur verið skortur á því að þolendum sé trúað. Kv. dólgafemínisti sem styður ekki kaup á x-mist

Jakob svarar Tönju og segist vera sammála henni um að negla eigi nauðgara, en aðferðirnar skipti máli:

„Hæ Tanja. Ég er alveg með þér í því að við eigum að negla dela og nauðgara. En við verðum að ná almennilegu taki á þeim. Ég er hræddur um að ef allir teljast sekir, eða sakarefnin eru óljós þá sleppi ógeðin.“

Ahhh @JakobBjarnar hendir einmitt í eitt „Vítalía talar ekki við fjölmiðla bara @eddafalak vinkonu sína”. Poves my point.

En sigurinn er augljós og já Jakob, það hefur verið skortur á því að þolendum sé trúað.

Kv. dólgafemínisti sem styður ekki kaup á x-mist https://t.co/b4P58OfhLR

— Tanja Ísfjörð (@tanjaisfjord) January 13, 2022

Jakob Bjarnar og Helgi Áss, what a concept. Djöfulsins forréttindablinda og aumingjaskapur að lýsa frekari áhyggjum af einhverjum „dómstól götunnar“ en þeirri staðreynd að hún var seld og misnotuð.

— Edda Falak (@eddafalak) January 13, 2022