fbpx
Fimmtudagur 02.febrúar 2023
Fréttir

Ole segir ekkert réttlæti fólgið í að taka hinsegin fólk út sem hóp og hampa sérstaklega – Ráðleggur því að forðast að vera of sýnilegt

Kristján Kristjánsson
Miðvikudaginn 31. ágúst 2022 09:00

Frá Gleðigöngunni fyrr í mánuðinum. Mynd: Eyþór Árnason

Ekki missa af Helstu tíðindum dagsins í pósthólfið þitt

Lesa nánar

„Eins og allir vita, samanstendur samfélagið af margvíslegum hópum, og er mér vel við flesta, enda fjölbreytileiki eitt af einkennum sköpunarverksins, náttúrulegur og eðlilegur. Flest, sem mönnum er áskapað, er því fyrir mér eðlilegt, og vita flestir, að menn skapa sig ekki sjálfir og fá mest af því, sem þeir eru og einkennir, eðli og hneigðir, í vöggugjöf. Genin og erfðamengið ráða för.“

Svona hefst grein eftir Ole Anton Bieltvedt, samfélagsrýni og dýraverndunarsinna, í Fréttablaðinu í dag. Fyrirsögn greinarinnar er: „Má ræða viðkvæm mál eða eiga þau að liggja í þagnargildi?“

Umfjöllunarefni greinarinnar er grein sem hann skrifaði í Fréttablaðið í síðustu viku þar sem hann sagði að honum finnist „gleði“ hinsegin fólks stundum yfirkeyrð og að hann líti á hinsegin fólk og transfólk nákvæmlega eins og alla aðra samfélagshópa, eins og okkur hin segir hann..

Hann segir að greinin hafi greinilega farið fyrir brjóstið á fólki því hann hafi fengið skömm í hattinn fyrir hana og hafi verið sakaður um að grafa undan réttindabaráttu hinsegin fólks og að hafa ráðist á það. „Sérstaklega var ég gagnrýndur fyrir að skilja ekki vilja hinsegin fólks og transfólks til að vera „sýnileg“. Hér bera að skilja „sýnilegur“ sem greinilegur, áberandi,” segir hann.

„Góð og gegn kona skrifaði mér, þegar ég sagði, að erfitt væri að rökræða við fólk, sem stjórnaðist af tilfinningum eða samúð: „Ómögulegt að rökræða við þig um þá tilfinningu þína að hinsegin fólk sé of sýnilegt.“ Hún taldi það, sem sagt, mikilvægt fyrir hinsegin fólk að vera „sýnilegt“,“ segir Ole sem segist hafa svarað henni á eftirfarandi hátt:

„Þessu svaraði ég þannig, að, ef ég væri ráðgjafi hinsegin fólks, myndi ég ráðleggja þeim þetta: Forðist, að vera of sýnileg, láta of mikið á ykkur bera og berjið bumbur ykkar hóflega. Því, með slíku eruð þið sjálf að skera ykkur úr, gera ykkur að sérstökum hópi. Leggið heldur áherzlu á, að ganga inn í samfélagið og sameinast því, með hljóðlegum og mjúkum hætti, renna inn í það án hávaða og láta, en standið þó fast á rétti ykkar, ef/þegar á hann reynir.“

Hann segir síðan að önnur kona hafi sagt að hún skilji ekki nálgun hans, hvert hann sé að fara með skrifum sínum. „Svarið er, að ég tel hinsegin fólk bara venjulegt fólk, og sé enga ástæðu til að vera að hampa því sérstaklega. Nær hefði t.a.m. verið fyrir Reykjavíkurborg að byggja fleiri rampa fyrir hjólastólafólk, en að mála götur og stræti hinsegin fólki til heiðurs. Þegar samfélagið er skoðað, má greina marga hópa, sem allir hafa sín sérkenni, vegna sinna erfðamengja og gena, en eiga samt fullan rétt á að falla inn í samfélagið og vera fullgildir samfélagsþegnar: Það er ekkert réttlæti í því, að taka þarna einn hóp út úr og hampa honum sérstaklega af opinberum aðilum, sveitarstjórnum, skólum, kirkjum, fyrirtækjum o.s.frv. Sérstaklega finnst mér réttur opinberra aðila til þessa orka tvímælis,“ segir hann.

Í niðurlagi greinarinnar segir hann að tilgangur hans með skrifunum sé eftirfarandi: „1. Að sýna fram á, að hinsegin fólk og transfólk er eins og við hin. 2. Það verður að gilda jafnvægi og jafnrétti milli allra hópa. 3. Hinsegin fólk er ekki að styrkja sína stöðu með því að vilja vera „sýnilegt“. 4. Kynferðislegir tilburðir hinsegin fólks í gleðigöngum og öðru eiga ekki við. 5. Kynferðismál ættu að vera einkamál manna.”

Hann hvetur fólk til að láta ekki tilfinningasemi eða ógrundaða samúð stýra sér og vonast til að fólk geti metið skrif hans af skynsemi og yfirvegun þess í stað.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Fréttir
Fyrir 20 klukkutímum

TF-SIF á hilluna vegna hagræðingar

TF-SIF á hilluna vegna hagræðingar
Fréttir
Fyrir 23 klukkutímum

Niceair skildi 45 töskur eftir á Tenerife – „Þarna mátti gera betur“

Niceair skildi 45 töskur eftir á Tenerife – „Þarna mátti gera betur“
Fréttir
Í gær

Fyrrum ræðuritari Pútíns segir að valdarán geti átt sér stað innan árs

Fyrrum ræðuritari Pútíns segir að valdarán geti átt sér stað innan árs
Fréttir
Í gær

„Hér er Ríkislögreglustjóri að ljúga mjög alvarlegum sökum upp á almenna borgara!“

„Hér er Ríkislögreglustjóri að ljúga mjög alvarlegum sökum upp á almenna borgara!“
Fréttir
Í gær

Börn lentu í hrakningum í Grafarholti – Gert að yfirgefa strætó vegna óveðursins

Börn lentu í hrakningum í Grafarholti – Gert að yfirgefa strætó vegna óveðursins
Fréttir
Fyrir 2 dögum

Íslenskir bændur leita að ástinni – „Austfirski folinn“ laus og liðugur og fertug ungfrú leitar að „dad-body“

Íslenskir bændur leita að ástinni – „Austfirski folinn“ laus og liðugur og fertug ungfrú leitar að „dad-body“
Fréttir
Fyrir 2 dögum

Árás á íranska drónaverksmiðju getur komið sér vel fyrir Úkraínu

Árás á íranska drónaverksmiðju getur komið sér vel fyrir Úkraínu
Fréttir
Fyrir 2 dögum

Sérfræðingur skefur ekki utan af því – „Pútín hefur mistekist hrapalega“

Sérfræðingur skefur ekki utan af því – „Pútín hefur mistekist hrapalega“
Fréttir
Fyrir 2 dögum
Sleginn í andlitið