Erlendur ferðamaður á sjötugsaldri lét lífið í gær eftir árekstur fólksbíls sem hann var í við sendibíl sem kom úr gagnstæðri átt. Átti atvikið sér stað á Suðurlandsvegi. Maðurinn var úrskurðaður látinn á vettvangi. Eiginkona hans var flutt alvarlega slösuð með sjúkabíl til móts við þyrlu Landhelgisgæslunnar og síðan áfram á sjúkrahús í Reykjavík.
Þetta kemur fram í tilkynningu frá Lögreglunni á Suðurlandi.
Ökumaður sendibílsins slasaðist lítillega. Tildrög slyssins eru í rannsókn.
