Nú er komið sumar og ekki nóg með það heldur er loksins komið sumar þar sem faraldur COVID-19 mun líklega ekki setja strik í reikninginn hvað ferðalög til heitari slóða varðar. Þau okkar sem hafa hlýtt Víði eins og það væri keppnisíþrótt eru nú líklega farin að glíma við alvarlegan d-vítamínskort og farin að falla saman við hvítu veggina heima og  farin að sjá sólbekk við sundlaugarbakka, með pálmatré í bakgrunni, í hyllingum.

Þá er eins gott að hafa vaðið fyrir neðan sig og gæta þess að skemma ekki þetta langþráða frí með gleymsku.

Þjóðskrá Íslands ákvað að hafa vitið fyrir okkur landsmönnum og hefur nú birt mikilvægar upplýsingar sem ferðalangar þurfa að hafa í huga á ferð út fyrir landsteinanna. Og þessar upplýsingar varða vegabréfið. Er það ekki örugglega enn í gildi?

Þjóðskrá bendir á eftirfarandi: 

Við þetta má svo bæta að vegabréf kostar almennt 13 þúsund krónur fyrir einstaklinga á aldrinum 18-66 ára. Almenn afgreiðla fyrir börn, aldraða og öryrkja er svo 5.600 kr.

Hraðafgreiðsla kostar almennt 26.000 kr en 11.000 fyrir börn, aldraða og öryrkja.