Í tilefni af Söngvakeppni evrópskra sjónvarpsstöðva og sveitarstjórnarkosninganna hefur Nýja Vínbúðin afgreiðslu sína opna til klukkan 23:00 næstkomandi laugardag.

Lengri opnunartími á laugardaginn er hluti af þeirri stefnu Nýju Vínbúðarinnar að sýna sveigjanleika og bregðast við óskum og þörfum viðskiptavina um þjónustu. Viðbúið er að víða verði fagnað þar sem Systur komust áfram í aðalkeppni söngvakeppninnar og kunna einhverjir að þurfa að bregðast við gangi hratt á birgðir í upphafi kosningavöku, eða útlit sé fyrir að fagna verði rækilega. Sverrir Einar Eiríksson, eigandi og framkvæmdastjóri Nýju Vínbúðarinnar:

„Hægt verður að panta kampavín fram eftir fari svo að við vinnum Eurovision keppnina. Okkur finnst það sjálfsögð þjónusta við fólk. Þá vil ég líka hafna ávirðingum forstjóra ÁTVR í ársskýrslu um að ekki sé gætt að því að afhenda ekki öðrum áfengi en fullan aldur hafa til þeirra kaupa. Við fylgjum lögum og reglum og viljum standa vel að okkar þjónustu. Rétt er að árétta að lagaumgjörð ÁTVR á ekki við um netverslanir og skorður sem þeirri verslun eru settar hvað afgreiðslutíma varðar eiga ekki við um okkur.“

Vöruafgreiðslu Nýju Vínbúðarinnar er að finna í Skipholti 27 í Reykjavík, en verslunin býður jafnframt upp á heimsendingu á vörum sínum á höfuðborgarsvæðinu þar sem ekkert er greitt fyrir pantanir yfir 25 þúsund krónum. Þá hafa hraðsendingar á höfuðborgarsvæðinu notið vinsælda, en þá eru vörur sendar innan tveggja stunda.

Upplýsingar um vöruafgreiðslu Nýju Vínbúðarinnar má finna hér