Samkvæmt bandarískum leyniþjónustuupplýsingum þá er 65 km löng lest rússneskra hersveita, sem stefna á Kyiv, stopp og hefur ekki hreyfst mikið í um sólarhring. Er það sagt vera vegna skorts á eldsneyti og mat og einnig sé baráttuvilji rússnesku hermannanna mjög lítill. Margir eru sagðir hafa gefist baráttulaust upp fyrir Úkraínumönnum.

Sky News skýrir frá þessu. Fram kemur að háttsettur bandarískur embættismaður hafi sagt að 80% af þeim herafla sem Rússar höfðu safnað saman við úkraínsku landamærin sé nú kominn inn í Úkraínu. Rússneski herinn glímir hins vegar við margvísleg vandamál í sókn sinni að Kyiv.

Bílalestin er sögð hafa hreyfst sáralítið síðasta sólarhringinn vegna skorts á eldsneyti og mat. Benda upplýsingar bandarískra leyniþjónustustofnana til að baráttuvilji rússnesku hermannanna sé mjög lítill og margir eru sagðir hafa gefist baráttulaust upp fyrir Úkraínumönnum.