Karlmaður á tíræðisaldri lést á Landspítalanum í gær af völdum Covid-19, alls hafa nú 43 látist vegna veirunnar hér á landi.
Frá þessu greinir Landspítalinn á vef sínum. Þar kemur einnig fram að nú liggja 43 sjúklingar á Landspítala með Covid-19, sex þeirra eru á gjörgæslu og af þeim eru fjórir í öndunarvél. Meðalaladur þeirra sem liggja inni er 63 ár.
8.284 sjúklingur eru nú í Covid göngudeild spítalans, þar af 2.588 börn. Frá upphafi fjórðu bylgju, 30. júní 2021, hafa verið 323 innlagnir vegna COVID-19 á Landspítala.