Í fyrsta sinn frá því að kórónuveiran nam land á Íslandi hefur barn verið lagt inn á Landspítala með sjúkdóminn. Um er að ræða unglingsdreng sem var lagður inn í gær. RÚV greinir frá.

RÚV hefur eftir Valtý Stefánssyni Thors, lækni á Barnaspítala Hringsins að drengnum líði ágætlega. Hann var lagður inn um það leyti sem hann var að klára einangrun og var lagður inn vegna fylgikvilla COVID-19. Ekki er búist við því að drengurinn þurfi að dvelja lengi á sjúkrahúsinu.

Alls liggja nú í dag sex á sjúkrahúsi og tveir á gjörgæslu.

26 greindust með COVID innanlands í gær og dvelja í dag 336 einstaklingur í einangrun.