fbpx
Þriðjudagur 22.júní 2021
Fréttir

Sóttvarnalæknir boðar fólk í bólusetningu aftur í tímann

Heimir Hannesson
Mánudaginn 7. júní 2021 13:10

mynd/samsett

Ekki missa af Helstu tíðindum dagsins í pósthólfið þitt

Lesa nánar

Nú líður senn að lokum hins mikla bólusetningarátaks íslenskra heilbrigðisyfirvalda. Röð síðustu árganganna sem bólusettir verða voru fyrir helgi dregnir út í strangheiðarlegu lottói á skrifstofu heilsugæslunnar í Mjóddinni.

Þess á milli hafa svo íbúar höfuðborgarsvæðisins verið að fá SMS um boðun í bólusetningu með „afgangs“ bóluefni. Það stafar af því að bóluefni sem búið er að blanda í sprautur hefur takmarkað geymsluþol. Hefur það jafnframt verið gagnrýnt hve lítill tími fólki hefur gefist til þess að bregðast við og væntanlegir þiggjendur bóluefna sést á harðaspretti í átt að Laugardalshöll þar sem bólusetningin fer fram.

Stemninguna fangaði Vísir í síðustu viku með ódauðlegu myndbandi af téðum hlaupagörpum við Laugardalshöll undir ljúfum tónum Bruce Springsteen. Lagið „Born to Run“ hefur aldrei átt betur við. Myndbandið má sjá hér að neðan.

Nú virðist sóttvarnalæknir hafa farið eitthvað fram úr sér, því í SMSi sem send voru út klukkan 12:32 er fólk boðað í bólusetningu klukkan 11:30, klukkutíma áður en SMSið er sent út. Þá er það jafnframt sérstaklega tekið fram að bóluefnið renni út á slaginu 12:00.

Hvort um mistök hafi verið að ræða eða tröllatrú Þórólfs á tímaflakki, liggur ekki fyrir. Almenn skynsemi bendir til hins fyrra, þó hitt væri vissulega skemmtilegra.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Fréttir
Fyrir 3 dögum

Einkennilegur þjófnaður átti sér stað í nótt – Þegar maðurinn kom út var hundurinn horfinn

Einkennilegur þjófnaður átti sér stað í nótt – Þegar maðurinn kom út var hundurinn horfinn
Fréttir
Fyrir 3 dögum

Barnaverndarnefnd Kópavogs fékk móður svipta forræði yfir þremur börnum – Landsréttur staðfesti dóminn

Barnaverndarnefnd Kópavogs fékk móður svipta forræði yfir þremur börnum – Landsréttur staðfesti dóminn