Í mánaðarskýrslu lögreglunnar fyrir maímánuð kemur fram að tilkynningum um heimilisofbeldi hefur fjölgað á milli ára. Það sem af er árs hafa borist um 21 prósent fleiri tilkynningar um heimilisofbeldi en bárust að meðaltali á sama tímabili síðastliðin þrjú ár á undan.
Á tímabilinu janúar-maí árið 2019 voru tilkynningarnar 279 talsins en á sama tímabili árið 2021 hafa tilkynningarnar verið 378 talsins.
Lögreglan hefur kallað eftir því að bærinn loki fyrr en hann gerði fyrir Covid þar sem ekki er jafn mikið um ofbeldi á djamminu. Íslendingar hafa margir hverjir mótmælt þessu enda ansi margir sem vilja geta skemmt sér til klukkan fjögur að nóttu til.
Þá hafa einhverjir bent á það að heimilisofbeldi hafi aukist í Covid en skýrslan staðfestir það. Ári fyrir Covid voru 100 færri tilkynningar um heimilisofbeldi en í ár.
