fbpx
Mánudagur 06.febrúar 2023
Fréttir

Eitt þúsund offituaðgerðir hjá Klíníkinni í Ármúla á þessu ári

Kristján Kristjánsson
Föstudaginn 14. maí 2021 09:00

Baráttan við aukakílóin er erfið. Mynd:Getty

Ekki missa af Helstu tíðindum dagsins í pósthólfið þitt

Lesa nánar

Á þessu ári verða gerðar um eitt þúsund offituaðgerðir í Klíníkinni í Ármúla. Rúmlega 12 þúsund Íslendingar eru í þeim flokki að geta sótt um að fara í offituaðgerð. Samkvæmt nýrri grein í breska læknablaðinu The Lancet kemur fram að offituaðgerð lengi líf hvers sjúklings að meðaltali um átta til tíu ár.

Fréttablaðið skýrir frá þessu í dag. „Niðurstöður rannsóknar sem lýst var í nýlegri grein sem birtist í breska læknaritinu Lancet sýna að þeir sem þjást af alvarlegri ofþyngd og gangast undir offituaðgerð auka lífslíkur sínar um sex til tíu ár,“ er haft eftir Sigurði Ingibergi Björnssyni, framkvæmdastjóra Klíníkurinnar.

Í svari Svandísar Svavarsdóttur, heilbrigðisráðherra, við fyrirspurn Andrésar Inga Jónssonar kemur fram að Klíníkin reikni með að gera um eitt þúsund offituaðgerðir á árinu. Þetta er mikil aukning frá 2017 en þá voru þær 62. Fréttablaðið hefur eftir Sigurði að offituaðgerðir séu orðnar stór hluti af starfsemi fyrirtækisins. „Þetta er uppsöfnuð þörf. Gera má ráð fyrir að um að 12 þúsund Íslendingar glími við alvarlega ofþyngd, samkvæmt skilgreiningu Alþjóðaheilbrigðismálastofnunarinnar. Algengir fylgikvillar slíkrar of þyngdar eru sykursýki 2, háþrýstingur og kæfisvefn sem valda einstaklingnum þjáningum og heilsutjóni og eru jafnframt að valda kostnaði og álagi á heilbrigðiskerfið annars staðar,“ er haft eftir honum.

Hann sagði að magaermisaðgerð sé í raun tiltölulega einföld aðgerð sem gefist vel og fátítt sé að fylgikvillar komi upp.

Í fyrrgreindu svari Svandísar Svavarsdóttur kemur fram að 78% þeirra sem haga gengist undir aðgerðir af þessu tagi séu konur og 22% karlar. Meðalaldurinn er 44,4 ár.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Fréttir
Fyrir 2 dögum

Sigríður Hrund ósátt við áhrifavalda – „Hér er verið að húkka far á okkar smartheitum“

Sigríður Hrund ósátt við áhrifavalda – „Hér er verið að húkka far á okkar smartheitum“
Fréttir
Fyrir 3 dögum

Fréttavaktin: Fréttir vikunnar með Kristjáni Frey Halldórsson bóksala og Rósu Björk þingmanni

Fréttavaktin: Fréttir vikunnar með Kristjáni Frey Halldórsson bóksala og Rósu Björk þingmanni
Fréttir
Fyrir 3 dögum

Lögreglumaður segir vændi hafa aukist samhliða kipp í ferðaþjónustu – „Ekkert eftirlit“

Lögreglumaður segir vændi hafa aukist samhliða kipp í ferðaþjónustu – „Ekkert eftirlit“
Fréttir
Fyrir 3 dögum

Pútín vill stöðva skotárásir á rússnesk landsvæði

Pútín vill stöðva skotárásir á rússnesk landsvæði
Fréttir
Fyrir 3 dögum

Brúðkaupveislan breyttist í martröð eftir afdrifaríka ákvörðun brúðgumans á dansgólfinu

Brúðkaupveislan breyttist í martröð eftir afdrifaríka ákvörðun brúðgumans á dansgólfinu
Fréttir
Fyrir 4 dögum

Frétta­vaktin: Orka frá vind­­myllum ó­­­traust og notkun megrunar­lyfja tí­faldast

Frétta­vaktin: Orka frá vind­­myllum ó­­­traust og notkun megrunar­lyfja tí­faldast