Ólafur F. Magnússon hefur gefið út sitt 29. tónlistarmyndband, nú við lagið „Ég vil bæta mitt land“ en ljóðið við lagið er eitt af mörgum náttúruljóðum hans.

Höfundur lagsins, ásamt Ólafi, er Vilhjálmur Guðjónsson sem leikur á fjölmörg hljóðfæri í laginu. Guðlaug Dröfn Ólafsdóttir léði verkinu rödd sína og fer Aþena Rut Friðriksdóttir með aðalhlutverk í myndbandinu en hún er aðeins níu ára gömul.

Aþena er einnig dóttir Friðriks Grétarssonar sem tók myndbandið upp. Myndbandið var tekið upp við gosstöðvar og má sjá gosið frá ýmsum tímabilum þess.

Myndband við lagið má sjá hér fyrir neðan.