Á níunda tímanum í gærkvöldi var maður í annarlegu ástandi handtekinn í miðborginni en ítrekað hafði verið kvartað yfir honum. Hann var vistaður í fangageymslu.
Klukkan 22 var ökumaður kærður fyrir að aka bifreið, sem röng skráningarnúmer voru á, í Garðbæ. Hann viðurkenndi brotið og voru skráningarnúmeri fjarlægð af bifreiðinni.
Á ellefta tímanum var ökumaður handtekinn í Hafnarfirði en hann er grunaður um akstur undir áhrifum fíkniefna, ítrekaðan akstur sviptur ökuréttindum, vörslu fíkniefna og eignaspjöll en hann braut rúðu í lögreglubifreið. Hann var vistaður í fangageymslu. Farþegi í bifreiðinni endaði einnig í fangageymslu en hann er grunaður um vörslu fíkniefna.
Skráningarnúmer voru klippt af 11 bifreiðum í Kópavogi og Árbæ í gærkvöldi og nótt en þær höfðu ekki verið færðar til skoðunar og/eða voru ótryggðar.
Á sjötta tímanum í gær var ökumaður handtekinn í Árbæ, grunaður um að vera undir áhrifum fíkniefna. Börn voru í bifreiðinni og komu barnaverndaryfirvöld því að málinu.
