Metverð fékkst fyrir olíuverkið Fjölnismenn eftir Jóhannes S. Kjarval á síðasta uppboði ársins hjá Fold uppboðshúsi. Í fréttatilkynningu kemur fram að verkið hafi selst á 10,8 milljónir króna á uppboðinu en á því má sjá þá Brynjólf Pétursson, Jónas Hallgrímsson, Konráð Gíslason og Tómas Sæmundsson sem stóðu að tímaritinu Fjölnir í Kaupmannahöfn. Fyrsta hefti tímaritsins kom út sumarið 1835 og er það elsta tímaritið sem enn er útgefið. Málverkið var upphaflega í eigu Ragnars í Smára.
Fjöldi annarra verka seldust á yfirverði á uppboðinu og má nefna lítið málverk eftir Georg Guðna sem seldist á 5,7 milljónir en verkið var metið á 3,2 milljónir og pappírsverk eftir Eggert Pétursson seldist á tvöföldu matsverði eða 1,2 milljónir. Þá fóru verk eftir naívistana Stórval og Ísleif Konráðsson einnig á tvöföldu matsverði.
