Dómur var kveðinn upp í Héraðsdómi Reykjavíkur í gær yfir konu fæddri árið 2000 fyrir langan lista af afbrotum. Alls er um að ræða tíu afbrot en konan var meðal annars sökuð um að hafa stolið farsíma, veski og lyklaveski af annarri konu og notað í gegnum símann aðgang að Netgíró-reikningi konunnar til að svíkja út vörur frá Hagkaup Skeifunni, Gallerí 17, Nova og Kaupfélaginu. Sveik konan út vörur að verðmæti samtals rétt tæpar 800 þúsund krónur á aðeins þremur sólarhringum. Úttektirnar voru eftirfarandi:

Konan var auk þess sakfelld fyrir margvísleg umferðarlagabrot og bílþjófnað. Hún játaði skýlaus öll brotin. Hún var dæmd í þriggja mánaða skilorðsbundið fangelsi og svipt ökuleyfi í fjögur og hálft ár. Auk þess þarf hún að greiða konunni sem hún stal Netgíró-kortinu af 660.000 krónur og yfir milljón í málskostnað.