Starfsmaður grunnskólans, Gerðaskóla, á Suðurnesjum er grunaður um að hafa beitt nemanda í skólanum ofbeldi. Vísir greinir frá og segja lögreglustjóra Suðurnesja hafa staðfest að hafa slíka kæru til rannsóknar, en hafi þó ekki viljað staðfesta að um Gerðaskóla væri að ræða.
Móðir barnsins hefur einnig kært skólann fyrir að hafa lokað dóttur hennar reglulega inni í litlu rými gegn hennar vilja og án vitundar foreldra.
Grunur leikur á að ofbeldið hafi átt sér stað 16. desember á síðasta ári. Móðir barnsins kveðst hafa orðið vitni að því þegar starfsmaður skólans greip um hendur níu ára dóttur hennar, keyrði þær aftur fyrir bak og því næst snúið hana niður með andlitið í gólfið þar sem henni var haldið í nokkurn tíma.
Tilefnið er sagt vera að stúlkan hafi klórað út í loftið í átt að umræddum starfsmanni.
Stúlkan er greind með ADHD og depurð og hefur Vísir eftir móður hennar að hún hafi verið lokuð inni í svokölluðu hvíldarherbergi og oft verið flutt þangað með valdbeitingu og ofbeldi.
