Klukkan 18 í gær stöðvaði lögreglan akstur ökumanns í Miðborginni eftir stutta eftirför. Ökumaðurinn hafði ítrekað hunsað fyrirmæli lögreglunnar um að stöðva aksturinn. Hann var handtekinn og vistaður í fangageymslu. Hann er grunaður um að hafa verið undir áhrifum vímuefna.

Um klukkan hálf þrjú í nótt var maður handtekinn í Laugarneshverfi en hann hafði veist að leigubílstjóra og beitt úðavopni gegn honum .Maðurinn var vistaður í fangageymslu.

Á sjöunda tímanum í gær reyndi maður að stela eigum starfsmanna verslunar í Miðborginni. Er hann varð starfsmanna verslunarinnar var losaði hann sig við þýfið og lét sig hverfa á brott.

Tveir ökumenn voru handteknir á öðrum tímanum í nótt grunaðir um að vera undir áhrifum vímuefna.