Sjö starfsmenn Lögreglunnar á höfuðborgarsvæðinu eru nú komnir í einangrun eftir að hafa greinst með COVID-19 og tíu til viðbótar eru í sóttkví. Þetta kemur fram í fréttatilkynningu.

Til að gæta fyllsta öryggis verði gætt er nú ráðgert að tvö hundruð starfsmenn embættisins fari í skimun og sú vinna er þegar hafin. Í tilkynningu segir að þetta komi ekki til með að hafa áhrif á þau útköll sem lögreglan þarf að sinna og gengur starfsemi embættisins fyrir sig með eðlilegum hætti.

„Sú staða sem er uppi minnir okkur hins vegar á að COVID-19 er hvergi nærri lokið og því mikilvægt að fara varlega og huga að sóttvörnum í hvívetna“ segir í tilkynningu.