Lögreglustjórinn á Vesturlandi hefur sent allri yfirkjörstjórn Norðvesturkjördæmis boð um að ljúka meintum brotum á kosningalögum með því að greiða sekt. Samkvæmt frétt RÚV um málið er yfirkjörstjórnin sektuð fyrir hafa brotið kosningalög með því að að hafa látið atkvæði liggja óinnsigluð eftir að talningu lauk.

Karl Gauti Hjaltason, oddviti Miðflokksins í Suðvesturkjördæmi, kærði talninguna til lögreglustjórans á Vesturlandi eftir þingkosningarnar lauk. Karl Gauti var í hópi þeirra fimm frambjóðenda sem misstu jöfnunarþingsæti sitt eftir endurtalninguna umdeildu.

Fram hefur komið að rannsókn málsins lauk í síðustu viku og í kjölfarið var málið sent til ákærusviðs lögreglustjórans á Vesturlandi. Eins og RÚV greinir frá var í framhaldinu ákveðið að bjóða yfirkjörstjórn að ljúka málinu með sekt.

Samkvæmt heimildum fréttastofu RÚV fékk Ingi Tryggvason, formaður yfirkjörstjórnar, hæstu sektargerðina eða 250 þúsund krónur. Í stuttu samtali við fréttastofuna sagði Ingi: „Ég vil ekki staðfesta neitt slíkt, sé enga ástæðu til þess og hef ekkert um þetta að segja,“ segir Ingi í samtali við fréttastofu. Þá kemur fram að aðrir meðlimir yfirkjörstjórnarinnar hafi fengið sektargerð upp á 150 þúsund krónur.

Að öllum líkindum er um einstakt mál að ræða því ekki er vitað til þess að yfirkjörstjórn hafi áður verið sé sektuð með þessum hætti.