Einn piltur var í dag í Héraðsdómi Reykjavíkur úrskurðaður í vikulangt gæsluvarðhald, eða til 21. janúar, á grundvelli rannsóknarhagsmuna, að kröfu Lögreglunnar á höfuðborgarsvæðinu vegna rannsóknar hennar á líkamsárásum sem áttu sér stað í Borgarholtsskóla í gær. Þetta kemur fram í tilkynningu frá lögreglunni.

Tveir aðrir piltar sem einnig voru handteknir vegna málsins eru hins vegar lausir úr haldi lögreglu. Lögreglan vildi gærsluvarðhald yfir þeim en héraðsdómur féllst ekki á það.

Í tilkynningunni segir að rannsókn málsins gangi vel en ekki sé hægt að veita frekari upplýsingar um gang rannsóknarinnar að svo stöddu.