Svo virðist vera sem mikið hafi verið um líkamsárásir í Reykjavíkurborg í gærkvöldi og gærnótt, en lögreglan á höfuðborgarsvæðinu var að minnsta kosti kölluð til vegna fjögurra slíkara í nótt, ef marka má dagbók lögreglunnar.

Sú fyrsta átti sér stað á veitingastað í miðbæ Reykjavíkur um níuleytið en þar var kona slegin í andlitið. Þegar lögregla kom af vettvangi var árásaraðili farinn.

Önnur árásin átti sér stað við heimili í Laugardalnum um miðnætti. Þar var ráðist á konu sem var við stigagang á heimili sínu. Henni var hrint og hún skölluð í andlitið, sem varð til þess að gleraugu hennar brotnuð og fékk hún áverka í andliti. Árásarmaðurinn fór í kjölfarið inn í íbúð á stigaganginum.

Þriðja árásin átti sér stað stuttu seinna, og aftur í Laugardalnum. Þar sparkaði maður í konu. Þegar lögregla kom á vettvang hrækti maðurinn á lögregluþjónana. Hann var handtekinn og vistaður í fangageymslu.

Fjórða atvikið var fyrir framan veitingahús í miðborginni. Þá var ráðist á ölvaðan mann sem fékk fyrir vikið skurð fyrir neðan auga. Hann fékk að aðhlynningu frá starfsfólki úr sjúkrabíl, en árásaraðilarnir voru farnir af vettvangi þegar lögeglu bar að garði.