Guðlaug Ragna Magnúsdóttir var bráðkvödd á heimili sínu á Akureyri aðfaranótt síðastliðins þriðjudags, þann 17. ágúst. Guðlaug var 32 ára gömul þegar hún lést og lætur hún eftir sig sambýlismann og 2 börn, 8 og 14 ára.
„Skarðið er stórt og höggið mikið. Erfiðir tímar eru framundan fyrir alla ástvini Guðlaugar,“ segir Alma Axfjörð, tengdamóðir Guðlaugar, í samtali við DV. Alma lýsir tengdadóttur sinni sem fallegri manneskju, að innan sem utan. „Hún elskaði börnin sín meir en allt og var listræn og bar heimilið merki þess.“
Ákveðið hefur verið að hefja söfnun fyrir barnsföður Guðlaugar og börn hennar. „Það er nóg að glíma við sorgina og missinn svo ekki bætist við fjárhagsáhyggjur fyrir litlu fjölskylduna. Við höfum því ákveðið að hefja söfnun fyrir barnsföður og börn hennar til að reyna að létta undir fyrir þau. Margt smátt gerir eitt stórt.“
Hér fyrir neðan má sjá bankaupplýsingarnar fyrir söfnunina:
Söfnunarreikningurinn er á nafni barnsföður Guðlaugar.
Reikningsnúmer: 0370-22-016829
Kennitala: 310188-2559
