Héraðssaksóknari hefur ákært karlmann fyrir kynferðisbrot með því að hafa á um fjögurra mánaða tímabili árið 2019 sent karli kynferðisleg og ósiðleg skilaboð og fyrir að hafa fengið hann til þess að senda sér myndir af getnaðarlimi sínum. Voru, samkvæmt ákæru, skilaboðin til þess fallin að særa blygðunarsemi viðtakanda þeirra.

Skilaboðin sem um ræðir voru:

Laugardagskvöldið 25. maí 2019:

„Typpið á mér er ekkert sérstakt,“
„Það er allt í lagi ef það eru vinir þínir að rúnka sér saman,“
og „Næs, flottur tittlingur.“

Hálfum mánuði síðar, eða 8. júní 2019 sendi hann:

„Ég er búin að segja þeim að þú sért með stórt typpi,“
„Langar bara að sýna þeim hvað þú ert með stórt,“
„Naunaunau bara stór og flottur,“
„Þar sem þú værir alveg í standi,“
og „Sendu okkur nýja þar sem þú ert almennilega í standi.“

Föstudaginn 13. september sendi maðurinn svo:

„Stundum fæ ég standpínu og rúnka mér þegar ég er allsber.“

Héraðssaksóknari krefst þess að maðurinn verði dæmdur til refsingar og til þess að greiða allan sakarkostnað sem af rannsókn og rekstri málsins hlýst.

Þá gerir brotaþoli í málinu kröfu um að ákærði greiði sér tvær milljónir í miskabætur auk málskostnaðar.