Á ellefta tímanum í gærkvöldi var tilkynnt um innbrot í fyrirtæki í Bústaðahverfi. Þjófurinn komst í skiptimynt í sjóðvél. Á tólfta tímanum var tilkynnt um eld í íbúðarhúsi í Laugardalshverfi. Þar var eldur í þvottavél. Slökkvilið og lögregla fóru á vettvang. Á fimmta tímanum í nótt reyndi maður að brjótast inn í fyrirtæki í miðborginni. Hann gafst upp og hafði sig á brott en lögreglumenn fundu hann og handtóku skammt frá vettvangi. Hann var vistaður í fangaklefa.
Á ellefta tímanum varð þriggja bíla árekstur á Reykjanesbraut, engin slys urðu á fólki.
Þrír ökumenn voru handteknir í gærkvöldi og nótt, grunaðir um að vera undir áhrifum áfengis og/eða vímuefna.