Fyrrverandi knattspyrnukappinn David Beckham og Victoria Beckham eiginkona hans og fyrrverandi kryddpía fjárfestu nýverið í íbúð í 62 hæða fjölbýlishúsi í miðbæ Miamiborgar. Íbúðin er 960 fermetrar með fimm svefnherbergjum og sex og hálfu baðherbergi.
Ásett verð var 20 milljónir bandaríkjadala sem er um 2,7 milljarðar íslenskra króna. Söluverðið hefur ekki verið gefið upp. Munaður sem í boði er í byggingunni er einkaþyrlupallur, setustofa fyrir einkasamkvæmi og svæði með innilaug og heilsulind.
David Beckham er stjóri knattspyrnuliðsins Inter Miami. Liðið spilaði sinn fyrsta mótsleik í mars. Gengið hefur ekki verið upp á marga fiska. Liðið hefur tapað öllum sínum leikjum í bandarísku MLS deildinni.
