Fréttablaðið skýrir frá þessu í dag. Segir blaðið að þetta komi fram í fréttatilkynningu frá Ferroglobe og Missisippi Silicon en þessi fyrirtæki ráða yfir rúmlega helmingi allrar kísilmálmblendisframleiðslu í Bandaríkjunum.
En bandarísku framleiðendurnir beina ekki bara spjótum sínum að Íslandi því þeir leggja einnig til að tollar verði lagðir á sambærilegar vörur frá Bosníu, Malasíu og Kasakstan. Þeir segja að verð á málmi frá þessum fjórum löndum sé 54-85 prósentum lægra í Bandaríkjunum en eðlilegt getur talið sé miðað við hefðbundin aðfangakostnað.
Ekki er vitað hversu stór hluti framleiðslunnar á Bakka, sem hefur verið umskipað á meginlandi Evrópu, hefur ratað til bandarískra endanotenda. Bandarísku fyrirtækin segja að kísilmálmframleiðsla í löndunum fjórum njóti ívilnana sem komi í veg fyrir eðlilega verðmyndun og heilbrigða samkeppni.
Fréttablaðið hefur eftir Rúnari Sigurpálssyni, framkvæmdastjóra PCC á Bakka, að hann geti lítið sagt um málið og bíði enn viðbragða yfirstjórnar PCC í Þýskalandi.