Leit stendur enn yfir að skipverjanum sem saknað er og talinn er hafa fallið fyrir borð af fiskiskipi á leið þess til hafnar í Vopnafirði. Leit björgunarsveitarinnar Vopna á Vopnafirði og Landhelgisgæslunnar með þyrlu og fulltingi fimm kafara stendur yfir (Kl. 22). Gert er ráð fyrir að leit haldi áfram framundir miðnætti og byrji að nýju með morgninum, hafi leit þá ekki skilað árangri.
Klukkan tvö í dag barst tilkynning til Lögreglunnar á Austurlandi um að skipverja væri saknað af fiskiskipi eftir að skipið kom til hafnar í Vopnafirði. Leit hófst í kjölfarið og stendur enn. Björgunarsveitin Vopni á Vopnafirði kemur að leitinni með björgunarskip auk þess sem fjörur eru gengnar. Þá er von á þyrlu Landhelgisgæslunnar og með henni kafarar Landhelgisgæslunnar.
Þetta kemur fram í tilkynningum frá Lögreglunni á Austurlandi en búast má við næstu tilkynning um tíuleytið í fyrramálið (þriðjudagsmorgun).