fbpx
Laugardagur 30.maí 2020
Fréttir

Eiginkona „steypubílstjórans“ á leið í meðferð – „Við þurfum bæði að byggja okkur upp“

Ágúst Borgþór Sverrisson
Miðvikudaginn 8. apríl 2020 14:40

Ekki missa af Helstu tíðindum dagsins í pósthólfið þitt

Lesa nánar

Agnes Lilja Hansen heitir ung kona sem átt hefur erfiða tíma undanfarið en vonast til að bjartara sé handan við hornið. Agnes veitti DV viðtal í síðasta mánuði og greindi frá því að maður sem situr í gæsluvarðhaldi grunaður um íkveikju á skemmtistaðnum Pablo Discobar og var þar áður tekinn á ofsahraða á stolnum steypubíl þar sem hann ók gegn umferð á Sæbraut, sé eiginmaður hennar.

Agnes Lilja og Hlynur eru gift og eiga ungt barn saman sem núna er í tímabundnu fóstri. Agnes er fædd árið 1994 en Hlynur árið 1990. Saga þeirra er í senn falleg ástarsaga og saga um sigra og ósigra í baráttunni gegn fíkninni.

Þegar Hlynur og Agnes kynntust hafði hann verið edrú í 18 mánuði. Þau áttu síðan yndislegan tveggja og hálfs árs edrú tíma saman. Hlynur féll og hvarf af heimilinu. Sá Agnes hann oft ekki vikum og jafnvel mánuðum saman. Nokkru síðar féll Agnes.

Í viðtali við DV í mars sagðist Agnes þrá líf þeirra saman aftur. „Ég vona að ég fái manninn minn aftur,“ sagði hún.

Straumhvörf hafa orðið í lífi beggja eftir að Hlynur var úrskurðaður í gæsluvarðhald í fangelsinu á Hólmsheiði. Að sögn Agnesar hefur Hlynur verið edrú frá handtöku og situr hann 12 spora fjarfundi á hverjum degi.

„Ég er búin að frétta af því að honum gengur virkilega vel og stendur sig eins og hetja í edrúmennskunni. Ég held að hann hafi tekið fráhvörfin út lyfjalaus,“ segir Agnes.

Agnes hefur barist lengi við að halda sér edrú en hún hefur nú fengið pláss á Vogi og á að leggjast inn á laugardaginn.

„Ég verð þar líklega í mánuð en stefni svo á eftirmeðferð, til dæmis í Krýsuvík,“ segir hún í samtali við DV. Hún er ákveðin í að komast á rétta braut aftur.

Agnes þurfti að fara í skimun fyrir kórónuveirunni fyrir innlögn og fór hún í sýnatöku í morgun. Niðurstöðu er að vænta innan tveggja daga en ekkert bendir til þess að Agnes sé smituð af veirunni.

Varðandi það hvort hún sjái núna hilla undir að litla fjölskyldan verði sameinuð á ný segir Agnes að það sé einfaldlega ekki tímabært ennþá að spá í það:

„Við þurfum bæði að byggja okkur upp og ná bata, það er það sem gengur fyrir núna.“

DV óskar Agnesi og Hlyni innilega góðs bata og gæfu í framtíðinni.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Fréttir
Fyrir 14 klukkutímum

2,5 milljón króna verðlaun í stærsta hakkaþoni Íslandssögunnar

2,5 milljón króna verðlaun í stærsta hakkaþoni Íslandssögunnar
Fréttir
Í gær

„Það er ekkert smekklausara en þegar að smitsjúkdómalæknir reynir að vera fyndinn!“

„Það er ekkert smekklausara en þegar að smitsjúkdómalæknir reynir að vera fyndinn!“
Fréttir
Í gær

Dóra Björt beðin um afsökunarbeiðni – „Þessar ásakanir eiga sér auðvitað enga stoð í raunveruleikanum“

Dóra Björt beðin um afsökunarbeiðni – „Þessar ásakanir eiga sér auðvitað enga stoð í raunveruleikanum“
Fréttir
Í gær

Einar útskýrir hvers vegna hann kallaði Kára ruglaðan: „Þetta var ekki illa meint“

Einar útskýrir hvers vegna hann kallaði Kára ruglaðan: „Þetta var ekki illa meint“
Fréttir
Í gær

Neyðarlínan kölluð á teppið – „Almenningur á skilið að það sé hlustað og brugðist við“

Neyðarlínan kölluð á teppið – „Almenningur á skilið að það sé hlustað og brugðist við“
Fréttir
Fyrir 2 dögum

Fjórir handteknir í Garðabæ

Fjórir handteknir í Garðabæ
Fréttir
Fyrir 2 dögum

Héraðsdómur nafngreinir ungan mann í viðkvæmu kynferðisbrotamáli

Héraðsdómur nafngreinir ungan mann í viðkvæmu kynferðisbrotamáli
Fréttir
Fyrir 2 dögum

Meintur barnaníðingur liðlega tvítugur – Níðingar á öllum aldri segir sérfræðingur

Meintur barnaníðingur liðlega tvítugur – Níðingar á öllum aldri segir sérfræðingur
Fréttir
Fyrir 3 dögum

Segir að COVID-19 prófið fyrir ferðamenn verði að vera ókeypis fyrir þá

Segir að COVID-19 prófið fyrir ferðamenn verði að vera ókeypis fyrir þá
Fréttir
Fyrir 3 dögum

Útlit fyrir að Íslensk erfðagreining muni bjarga sýnatöku ferðamanna

Útlit fyrir að Íslensk erfðagreining muni bjarga sýnatöku ferðamanna