fbpx
Fimmtudagur 09.apríl 2020
Fréttir

Gunnar Smári segir Einar hafa enga sómakennd og Eiríkur tekur undir: „Sleikir rassinn á valdinu“

Ritstjórn DV
Föstudaginn 28. febrúar 2020 10:10

Ekki missa af Helstu tíðindum dagsins í pósthólfið þitt

Lesa nánar

Einar Þorsteinsson, fréttamaður RÚV, er gagnrýndur víða eftir Kastljós í gærkvöldi. Þar var Inga Sæland gestur hans og þykir sumum Einar hafa gengið of langt í framkomu sinni. Inga Sæland hélt að viðtalið ætti að mestu að snúast um stjórnmál og Flokk fólksins. Stærsti hluti þáttarins fór í að ræða skoðanir Ingu Sæland á hvernig hún telur að eigi að bregðast við yfirvofandi hættu sem stafar vegna kórónaveirunnar.

Gunnar Smári Egilsson, fjölmiðlamaður og sósíalisti, hefur oft áður gangrýnt Einar en er óvenjuharður nú. „Ömurlegt að Ríkssjónvarpið skuli fela manni að sinna stjórnmálaumræðu sem sleikir rassinn á valdinu en mætir málsvörum hinna valdalausu, sem Inga Sæland sannarlega er, af þeim hroka sem ungliðar Sjálfstæðisflokksins eru aldir upp í; sannfæringu um að öll þau sem beygja sig ekki undir vald Sjálfstæðisflokksins séu boðflennur í almennri umræðu og beri að mæta með fyrirlitningu og stælum,“ skrifar Gunnar Smári og heldur áfram:

„Kastljós kvöldsins var til skammar. En jafnframt áminning um að að innan Ríkissjónvarpsins fer ekki fram nein samfélagsumræða sem ekki er á forsendum Valhallar og til að þjóna hagsmunum þess flokks (ef undan er skilin þriðji eða fjórði hver Kveikur).“

Ljóst er að margir deila þessari skoðun Gunnars Smára því fjöldi fólks skrifar athugasemd við færslu hans og segist á sama máli. Þingmaðurinn fyrrverandi, Þór Saari, segir til að mynda: „Hann er metnaðargjarn og er örugglega að misnota stöðu sína sem stökkpall fyrir sjálfan sig í pólitík, framboð fyrir Sjálfstæðisflokkinn að sjálfsögðu. Svona gæjar komast áfram þar.“

Eiríkur Jónsson fjölmiðlamaður er ekki þekktur fyrir að kalla allt ömmu sína. Honum virðist þó hafa blöskrað framkoma Einars. „Undarleg framkoma Einars Þorsteinssonar umsjónarmanns Kastljóss ríkisins náði nýjum hæðum í samtali við Ingu Sæland formann Flokks fólksins á fimmtudagskvöldi. Talaði niður til hennar án afláts sem og hann aldrei gerir við formenn fjórflokksins. Nýr útvarpsstjóri verður að beita gömlu lögregluvaldi sínu til að stemma af þennan ljóta leik. En Inga sneri sér út úr þessu með leikni en óvíst hvort Einari tekst það þegar gamla löggan mætir með nýju útvarpskylfuna,“ skrifar hann á vef sinn.

Hringbraut fjallaði um málið í gær og hér fyrir neðan má sjá þegar sauð upp úr í Kastljósinu.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Fréttir
Í gær

Vilhjálmur læknir varar við – „Síminn er stundum þriðja óhreina höndin þín“

Vilhjálmur læknir varar við – „Síminn er stundum þriðja óhreina höndin þín“
Fréttir
Í gær

Óvenjufáir smitaðir – Er veiran í rénun?

Óvenjufáir smitaðir – Er veiran í rénun?
Fréttir
Fyrir 2 dögum

Þetta er myndbandið sem Þórólfur vill að þú horfir á

Þetta er myndbandið sem Þórólfur vill að þú horfir á
Fréttir
Fyrir 2 dögum

Forvitnilegt að sjá hvort COVID-19 faraldurinn nær hámarki í næstu viku

Forvitnilegt að sjá hvort COVID-19 faraldurinn nær hámarki í næstu viku