Þeir félagar Heinz Bernard Sommer frá Þýskalandi og Victor-Sorin Epifanov frá Rúmeníu sitja núna á Litla-Hrauni eftir viðburðaríka ferð til Íslands þar sem ekið var á klassískum smábíl, Austin Mini Cooper, frá Danmörku til Þýskalands, og þaðan lá leiðin til Íslands. Voru þeir sakfelldir fyrir stórfellt fíkniefnasmygl fyrir Héraðsdómi Reykjavíkur í dag.
Heinz er fæddur árið 1955 og er því á 65. aldursári. Victor er tæplega 52 ára. Báðir voru ákærðir fyrir stórfellt fíkniefnalagabrot. Þeim var gefið að sök að hafa staðið saman að innflutningi til Íslands á hátt í 40 kílóum af amfetamíni og 5 kílóum af kókaíni. Efnin eru sögð hafa verið ætluð til söludreifingar hér á landi. Þeir voru sagðir í ákærunni hafa falið fíkniefnin í sérútbúnu hólfi undir farangursgeymslu bílsins sem fluttur var með farþegaferjunni Norrænu til Seyðisfjarðar 1. ágúst 2019. Þar fundust fíkniefnin við leit.
Dómur var kveðinn upp yfir mönnunum í dag og fengu þeir báðir 7 ára fangelsisdóm og voru dæmdir til að gerið háar fjárhæðir í sakarkostnað.
