Fjögur ungmenni voru flutt á bráðadeild eftir umferðarslys í Kópavogi í nótt. Barnavernd hefur verið tilkynnt um málið, en slysið átti sér stað stuttu fyrir miðnætti og ekki er vitað um alvarleika meiðsla þeirra slösuðu. Þetta kemur fram í dagbók lögreglu, en þar er málinu lýst svona:
Bifreið ekið yfir gatnamót gegn rauðu ljósi og ekur í hlið bifreiðar sem ekið var um gatnamótin. Fjögur ungmenni í bifreið tjónþola, öll undir lögaldri. Þeim var öllum ekið á Bráðadeild og forráðamönnum tilkynnt um slysið. Ekki er vitað um meiðsl. Tilkynning send til Barnaverndar. Ljósastaur skemmdist einnig við óhappið og hallar en ekki talin ástæða til viðgerða strax. Báðar bifreiðar fluttar af vettvangi með Króki.
