Rolling Stone, eitt þekktasta tónlistartímarit heims birti í kvöld grein um Íslenska tónskáldið, Hildi Guðnadóttur, en hún var í morgun tilnefnd til Óskarsverðlaunanna fyrir tónlistina í Joker.

Greininn ber heitið Óskarinn: Tónskáld Jókersins, Hildur Guðnadóttir er að gera sögulega hluti.

Í greininni er Farið er yfir seinustu daga í lífi Hildar sem hafa einkennst af tilnefningum og verðlaunum. Á dögunum vann hún Golden Globe-verðlaun fyrir tónlistina í áðurnefndri Joker-mynd, auk þess sem hún fékk Verðlaun Félags tónskálda og textahöfunda fyrir tónlistina í Chernobyl-þáttunum.

Ræðir dans Jókersins

Blaðamaður Rolling Stone ræddi við Hildi sem var stödd hjá lækni vegna sýkingar sem eiginmaður hennar fékk í eyra. Í viðtalinu ræddi hún um dans leikarans Jouquin Phoenix við tónlist hennar, en hann fer með hlutverk Jókersins í samnefndri mynd.

„Hann bjó þennan dans til, hann var nokkurnveginn að bregðast við í rauntíma og einfaldlega að tjá sig.“

„Það var svo fallegt að sjá Joaquin hreinlega holdga það sem að ég hafði fundið þegar ég skrifaði tónlistina. Þetta var einmitt eins og ég hafði upplifað karakterinn og það var töfrum líkast að sjá tengingu hans án þess að þurfa einhverja útskýringu.“

Vill hafa áhrif á konur

Hildur talar einnig um það hversu karlæg kvikmyndatónlist hefur verið. Hún tekur ekkert frá þeim körlum sem gert hafa kvikmyndatónlist, en bendir á að afar mikilvægt sé fyrir kvikmyndaheiminn að heyra einnig í konunum.

„Þeir eru, augljóslega, frábær tónskáld, sem hafa átt sín tækifæri fyllilega skilið, en það er spennandi að heyra nýjar raddir.“

Hildur vonast til að geta verið innblástur fyrir konur og sérstaklega mæður. Hún segir að ekkert hafi sömu áhrif og þegar að maður sjái að eitthvað sé mögulegt.

„Ég vona að þetta veiti öðrum konum innblástur, Ég tel að til þess að gera stórar breytingar fyrir ungar konur – er mikilvægt að þær sjái að þetta sé möguleiki, að starfa við þetta,“

„Má nokkuð eiga fjölskyldu ef þú starfar við þetta? Ég er sjálf móðir , og ég vona að þetta verði til þess að konur láti það ekki aftra sér, svo þær geti mætt og stundað vinnuna sína.“