Katrín Atladóttir, borgarfulltrúi Sjálfstæðisflokksins, segir að þeir sem standa að baki Foreldrasamtökum gegn áfengisauglýsingum ættu að skammast sín. Samtökin hafa gagnrýnt harðlega umdeilt frumvarp Áslaugar Örnu Sigurbjörnsdóttir dómsmálaráðherra sem myndi leyfa netverslun á íslensku áfengi, en nú þegar er hægt að versla á netinu erlent áfengi. Katrín skrifar á Twitter:
„Veit í raun ekkert asnalega en fólkið sem heldur því fram að eina málið sem Áslaug Arna tali fyrir sé netverslun með áfengi. Það frumvarp er löngu tilbúið (og tímabært) og farið í samráð og hún er búin að gera rugl mikið á þessum stutta tíma sem hún hefur verið ráðherra.“
Hún segir samtökin raunar haga sér ógeðslega. „Það er ógeð að fylgast með Foreldrasamtökum gegn áfengisauglýsingum sem er með kostaðar auglýsingar með rangfærslum um frumvarpið og láta ógeðsleg komment í garð persónu ráðherrans standa óáreitt. Fólkið á bakvið þessi samtök ætti að skammast sín.“
Hún bætir svo við að núverandi fyrirkomulag sé fáránlegt. „Vona að flestir sem styðja frumvarpið láti í sér heyra svo andstæðingarnir séu ekki þeir einu sem heyrist í. Það er fáránlegt það sé hægt að kaupa áfengi á netinu erlendis frá en ekki frá íslenskum aðilum. Þröngir gangar Áfengisverslunar ríkisins heilla líka lítið þessa dagana.“
Þau eru bara að ljúga og skammast sín ekkert fyrir það.
— Katrín Atladóttir (@katrinat) March 28, 2020